Fjóla

Geislafræðingur
Landspítali auglýsir laust til umsóknar starf geislafræðings á geislameðferðardeild Landspítala sem heyrir undir krabbameinsþjónustu aðgerðasviðs. Á deildinni fer fram geislameðferð krabbameinssjúklinga og undirbúningur hennar. Deildin er sú eina sinnar tegundar á Íslandi og mikil þróun hefur verið í tækni og tækjabúnaði undanfarin ár. Við leitum að öflugum einstaklingi sem sýnir frumkvæði og á auðvelt með að vinna í teymi. Starfið krefst mikillar samvinnu og þverfaglegs samráðs. Í boði er einstaklingshæfð aðlögun í samstarfi við reynda starfsmenn. Gott ef viðkomandi getur hafið störf sem fyrst. Unnið er í dagvinnu og er starfshlutfall 100%.

Helstu verkefni og ábyrgð
Vinna að undirbúningi geislameðferðar, m.a. við tölvusneiðmyndatæki deildarinnar
Veita geislameðferð
Taka þátt í þverfaglegri teymisvinnu m.a. við tryggingu á nákvæmni meðferðarþátta
Innleiða nýja tækni og skilgreina verkferla

Hæfnikröfur
Íslenskt starfsleyfi geislafræðings
Góð samskiptahæfni og geta til að vinna í teymi
Faglegur metnaður og sjálfstæði í vinnubrögðum
Starfsreynsla á sviði geislameðferðar krabbameina er kostur

Frekari upplýsingar um starfið
Laun samkvæmt gildandi kjarasamningi sem fjármála- og efnahagsráðherra og Félag geislafræðinga hafa gert.
Tekið er mið af jafnréttisstefnu Landspítala við ráðningar á spítalanum. Umsókn fylgi náms- og starfsferilskrá ásamt afriti af prófskírteinum og starfsleyfi. Öllum umsóknum verður svarað. Landspítali er lifandi og fjölbreyttur vinnustaður þar sem hátt í 6000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að vera háskólasjúkrahús í fremstu röð þar sem sjúklingurinn er ávallt í öndvegi. Lykiláherslur í stefnu spítalans eru öryggismenning, skilvirk og vönduð þjónusta, uppbygging mannauðs og stöðugar umbætur.

Starfshlutfall er 100%

Umsóknarfrestur er til og með 08.02.2021

Nánari upplýsingar veitir
Hanna Björg Henrysdóttir – [email protected] – 825 9383

Sækja um starfið hér

Félag geislafræðinga óskar félagsmönnum sínum, samstarfsaðilum og landsmönnum öllum gleðilegar jóla og farsældar á komandi ári.

30. október 2020

Kjarasamningur við ríkið var undirritaður föstudaginn 30. október 2020.

Kynning á samningnum verður í tvennu lagi.

Mánudagskvöldið 2. nóv kl. 20 verður kynning á samningnum sjálfum. Slóð inn á fundinn verður send á mánudag.

Þriðjudagskvöldið 3. nóv kl. 20 verður kynning á vaktavinnukafla samningsins. Slóð inn á fundinn verður send á þriðjudag.

Miðvikudaginn 4. nóv kl. 12 á hádegi hefst atkvæðagreiðsla um samninginn sem stendur til 9. nóv til kl. 12 á hádegi.
Niðurstaða mun liggja fyrir síðar þann dag það er 9. nóv 2020.

Þegar karlar stranda – og leiðin í land, fyrirlestur og umræður með Sirrýju Arnardóttur í dag 12. nóvember.

Sirrý Arnardóttir gaf nýverið út bókina Þegar karlar stranda og leiðin í land. Þetta er viðtalsbók við karla um kulnun, örmögnun, streitu og alvarleg áföll en líka um vanvirkni ungra manna og ráð sérfræðinga. Í fyrirlestrinum fer Sirrý yfir helstu atriði bókarinnar og í lokin er boðið upp á umræður á Teams.

Kulnun, örmögnun, streita og alvarleg áföll hafa á undanförnum árum gert það að verkum að æ fleiri lenda í ógöngum og hrekjast jafnvel af vinnumarkaði. Og þetta á bæði við um karla og konur.

Smellið hér til að fara á viðburðinn á streymissíðu BHM

Fyrirlesturinn verður aðgengilegur í tvær vikur í kjölfarið á lokaðri fræðslusíðu fyrir félagsmenn, smellið hér til að komast á hana.

9. nóvember 2020

Kjarasamningur FG og ríkis samþykktur með meirihluta atkvæða í dag.

101 af 136 tóku þátt, eða rúm 74%.
98 sögðu já ég samþykki eða rúm 97%
3 sögðu nei ég samþykki ekki eða tæp 3%

Finna má kjarasamninginn hér